Գիտնականները արյան թեստ են մշակել, որը առաջիկա 30 տարվա ընթավքում կանխատեսում է կանանց սրտանոթային հիվանդությունների վտանգը 

ԱՄՆ-ի Առողջապահության ազգային ինստիտուտի աջակցությամբ իրականացված հետազոտությունը ցույց է տվել, որ արյան թեստը, որը գնահատում է արյան մեջ երկու տեսակի ճարպի, ինչպես նաև C-ռեակտիվ սպիտակուցի (CRP) առկայությունը, կարող է կնոջ մոտ տասնամյակներ անց կանխատեսել սրտի հիվանդության ռիսկը: Այս նորագույն բացահայտումները, որոնք ներկայացվել են  2024 թվականի Սրտաբանության եվրոպական միության կոնգրեսում, հրապարակվել են New England Journal of Medicine ամսագրում:

Հետազոտությունն իրականացնելու համար գիտնականները արյան նմուշներ և բժշկական տեղեկատվություն են հավաքել ԱՄՆ-ում բնակվող 27939 բուժաշխատողներից, որոնք մասնակցել են «Կանանց առողջությունը» ուսումնասիրությանը:

Կանանց հետևել են 30 տարի։ Այս ժամանակահատվածում հետազոտության 3662 մասնակից ունեցել է սրտի նոպա, կաթված, արյան շրջանառությունը վերականգնող վիրահատություն կամ մահ՝ սրտանոթային հիվանդության պատճառով:

Գիտնականները գնահատել են, թե ինչպես են բարձր զգայունության CRP-ն, ցածր խտության լիպոպրոտեինային խոլեստերինի (LDL) և LP-ի լիպիդի հետ միասին, որը մասամբ կազմված է LDL-ից, առանձին-առանձին և միասին կանխատեսում  այդ իրադարձությունները: Երեք մարկերներից յուրաքանչյուրը ստուգելու համար մասնակիցները բաժանվել էին հինգ կատեգորիայի՝ ամենաբարձրից մինչև ամենացածր մակարդակները:

Գիտնականները պարզել են, որ LDL խոլեստերինի ամենաբարձր մակարդակ ունեցող կանանց մոտ  36%-ով ավելի բարձր է սրտի հիվանդությունների հավանականությունը, քան ամենացածր մակարդակ ունեցող կանանց մոտ: LP-ի ամենաբարձր մակարդակ ունեցող հիվանդների մոտ վտանգը բարձր է եղել  33%-ով, իսկ CRP-ի ամենաբարձր մակարդակ ունեցողներինը՝ 70%-ով:

Հետևեք NEWS.am Medicine-ին Facebook-ում և Twitter-ում